Bishop Harerimana ahamijwe ibyaha by’ubuhemu – Ahanishijwe igifungo cy’imyaka ine gisubitswe

Bishop Harerimana ahamijwe ibyaha by’ubuhemu – Ahanishijwe igifungo cy’imyaka ine gisubitswe 

Urukiko rw’Ibanze rwa Gasabo rwahamije Bishop Harerimana Jean Bosco wayoboraga Itorero Zelaphat Holy Church ibyaha by’ubuhemu no kugurisha ikintu cy’undi no kugitangaho ingwate. Rwamuhanishije igihano cy’igifungo cy’imyaka ine gisubitswe mu gihe cy’imyaka ibiri n’ihazabu ya miliyoni 1 Frw.

Usibye igihano cy’igifungo n’ihazabu, Bishop Harerimana yategetswe kwishyura Monique Nyiratuza Rudacogora indishyi ya miliyoni 2,5 Frw n’indi miliyoni 24 Frw z’agaciro k’imodoka ye yagurishije nta burenganzira afite.

Bishop Harerimana yaregwaga kugurisha imodoka ya Monique Nyiratuza Rudacogora ndetse akayitangaho ingwate atabifitiye uburenganzira. Ibyo byafashwe nk’uburiganya n’ubuhemu mu mikoranire y’ubucuruzi n’imicungire y’umutungo w’undi.

Igihano cy’igifungo cy’imyaka ine gisubitswe mu gihe cy’imyaka ibiri bivuze ko atazahita ajyanwa muri gereza niba mu gihe cy’imyaka ibiri atakoze ikindi cyaha. Naramuka akoze ikindi cyaha, azasubira gukora iki gifungo cyose.

Uru rubanza rwongeye gushyira mu majwi imicungire y’umutungo mu miryango y’amadini, aho bamwe bakoresha izina ry’itorero mu nyungu zabo bwite. Abantu benshi bavuga ko uru ari isomo ku bayobozi b’amadini kugira ngo bubahirize amategeko y’ubucuruzi n’ubunyangamugayo.

Iki gihano cyatumye havuka impaka mu baturage n’abayoboke b’Itorero Zelaphat Holy Church, aho bamwe bavuga ko cyabangamiye icyizere bari bafitiye ubuyobozi bw’itorero. Abandi bo bemeza ko ari intambwe yo kurengera abaturage bakunze guhura n’uburiganya bukorwa mu izina ry’idini.

In English 

Bishop Harerimana convicted of treason – Sentenced to four years suspended

The Gasabo Local Court has convicted Bishop Harerimana Jean Bosco, the leader of Zelaphat Holy Church, of fraud and selling and pledging property belonging to another. It sentenced him to four years in prison, suspended for two years, and a fine of 1 million Rwf.

In addition to the prison sentence and fine, Bishop Harerimana was ordered to pay Monique Nyiratuza Rudacogora 2.5 million Rwf in compensation and another 24 million Rwf for the value of her car, which he sold without permission.

Bishop Harerimana was accused of selling Monique Nyiratuza Rudacogora's car and even giving a mortgage on it without permission. This was considered fraud and dishonesty in business dealings and the management of another's property.

The four-year prison sentence is suspended for two years, meaning he will not be sent to prison immediately if he does not commit another crime within two years. If he does commit another crime, he will have to serve the entire sentence again.

The case has once again put the spotlight on the mismanagement of assets within religious organizations, where some use the church's name for their own personal gain. Many say this is a lesson for religious leaders to abide by business laws and integrity.

The punishment has sparked controversy among residents and members of the Zelaphat Holy Church, with some saying it undermines their trust in the church's leadership. Others believe it is a step to protect residents who are often victims of fraud in the name of religion.