Perezida w’u Bufaransa, Emmanuel Macron, n’umugore we Brigitte Macron bakiriye ku meza Perezida Paul Kagame w’u Rwanda na Madamu Jeannette Kagame.

Mbere y’umusangiro, abakuru b’ibihugu byombi bari bifatanyije mu gikorwa cyo gufungura ku mugaragaro Ikimenyetso cy’Urwibutso rwa Jenoside yakorewe Abatutsi mu 1994, giherereye mu Mujyi wa Paris. Iki kimenyetso cyitezweho kuba ahantu ho kwibuka no gusobanukirwa amateka ya Jenoside.

Mu butumwa bwatangajwe n’Ibiro bya Perezida w’u Rwanda, Village Urugwiro, Perezida Kagame yavuze ko umusangiro wabereye muri Palais de l’Élysée wari ufite ibisobanuro bikomeye n’isezerano ku mubano w’ibihugu byombi.

Umukuru w’Igihugu yagaragaje ko u Rwanda n’u Bufaransa byahisemo gutera intambwe ijya imbere no kwandika amateka mashya mu mubano wabyo. Yavuze ko ibyo byatangiye kwera imbuto nziza, bigaragaza ko impinduka ziri mu mikoranire y’ibihugu byombi zigaragara mu bikorwa.

Perezida Kagame yashimangiye ko ukwiyemeza ku mpande zombi ari ingenzi, ariko ko ik’ingenzi kurushaho ari ukongera kuzura kwizerana hagati y’u Rwanda n’u Bufaransa. Ibi bikaba bifungura inzira y’imikoranire irambye.

Yavuze ko uyu munsi u Bufaransa ari umufatanyabikorwa w’ingenzi w’u Rwanda mu nzego zirimo ishoramari, tekinologi, ikirere, n’ahandi hafi ya hose ibifitiye inyungu rusange. Ibyo byerekana ubugari bw’ubufatanye bushya.

Ibiganiro bya Kagame na Macron n’umusangiro wabakurikiye byerekana ko ibihugu byombi bishaka gukomeza kubaka umubano ushingiye ku bwumvikane no gukorana ku nyungu zihuriweho, nyuma y’imyaka y’umwuka mubi wabaye hagati yabyo.

Read in English 

French President Emmanuel Macron and his wife Brigitte Macron hosted Rwandan President Paul Kagame and First Lady Jeannette Kagame at the Palais de l'Élysée on Tuesday evening, June 2, 2026.

 

Before the dinner, the two heads of state participated in the official inauguration of the 1994 Genocide Memorial in Paris. The memorial is intended to serve as a place of remembrance and understanding of the history of the Genocide.

In a message released by the Rwandan Presidential Office, Village Urugwiro, President Kagame said that the dinner held at the Palais de l'Élysée had a profound meaning and promise for the relationship between the two countries.

  

The Head of State indicated that Rwanda and France have chosen to take a step forward and write a new history in their relationship. He said that this has begun to bear good fruit, showing that the changes in the relationship between the two countries are reflected in actions.

President Kagame stressed that commitment on both sides is important, but more importantly, restoring trust between Rwanda and France, which paves the way for a lasting partnership.

He said that today, France is a key partner of Rwanda in sectors including investment, technology, climate, and almost everywhere else that share common interests. This shows the breadth of the new partnership.

Kagame and Macron's talks and the dinner that followed show that the two countries are keen to continue building a relationship based on understanding and working together for mutual benefit, after years of bad relations between them.