RIB yafunze abayobozi bane bakekwaho gukoresha ububasha mu nyungu zabo ku butaka
Soma inkuru yose hano 👇👇
NSANZIMANA SylverMay 2, 2026Saturday, May 2, 2026 at 05:134 min read0 comments
Advertisement
RIB yafunze abayobozi bane bakekwaho gukoresha ububasha mu nyungu zabo ku butaka
Urwego rw’Ubugenzacyaha (RIB) rwafunze abantu bane bakurikiranyweho ibyaha byo gukoresha ububasha bahabwa mu nyungu zabo bwite no kutubahiriza igishushanyo mbonera cy’imikoreshereze y’ubutaka. Aba bayobozi bakurikiranyweho gutanga ibyangombwa byo kubaka ku bantu batandukanye batubahirije amategeko n’imigambi y’igihugu yo gutunganya imiturire.
Mu bafunzwe harimo Niyomungeri Richard, wahoze ari Umunyambanga Nshingwabikorwa w’Umurenge wa Nzige mu Karere ka Rwamagana; Kwisinga Jean Norbert, ushinzwe imiturire mu Karere ka Rulindo; Ishimwe Frank, ushinzwe imitangire y’ibyangombwa byo kubaka mu Karere ka Ngoma; na Ntirenganya Epimaque, wakoraga nk’umuyobozi wa One Stop Center y’ubutaka mu Karere ka Gakenke. Bose bafite aho bahurira n’imitangire y’ibyemezo by’ubutaka n’iby’ubwubatsi mu turere bakoreramo.
RIB ivuga ko aba bayobozi bagiye batanga ibyangombwa byo kubaka ku baturage batubahirije igishushanyo mbonera cyemejwe n’ikigo gishinzwe imikoreshereze y’ubutaka. Ibi byateje imiturire idateguwe, bikabangamira gahunda ya Leta yo gushyiraho imijyi n’imidugudu iteye imbere kandi yubahiriza ibidukikije n’umutekano.
Kutubahiriza igishushanyo mbonera bikunze kugaragara mu turere dutandukanye tw’u Rwanda, bikaviramo kubaka mu manegeka, mu bishanga cyangwa mu nzira z’amazi. Ibi bituma igihugu gihomba umutungo mu gihe cyo gusenya no kongera gutunganya ahubatswe nabi, kandi bikaba byateza ibyago by’inkangu n’ibiza mu gihe cy’imvura nyinshi.
Ubutaka ni kimwe mu bice byibasiwe cyane na ruswa mu Rwanda, kubera agaciro kabwo no kwiyongera kw’abashaka aho kubaka. Leta imaze imyaka irwanya iki kibazo binyuze muri gahunda ya One Stop Center igamije koroshya serivisi z’ubutaka no kugabanya aho abaturage bahura n’akayobozi. Nyamara bamwe mu bayobozi bakomeje gukoresha inshingano zabo mu nyungu zabo bwite.
Amategeko y’u Rwanda ateganya ibihano biremereye ku bakoresha ububasha bwabo mu nyungu zabo bwite, birimo igifungo n’ihazabu. Gukoresha ububasha mu nyungu bwite no kutubahiriza igishushanyo mbonera bifatwa nk’icyaha cyo kunyereza umutungo no gukoresha nabi inshingano za Leta, bikaba bihanirwa hashingiwe ku itegeko rihana ruswa n’icyaha cyo gukoresha nabi umutungo wa Leta.
RIB yasabye abaturage gukomeza gutanga amakuru ku banyobozi cyangwa abakozi bakekwaho gukoresha nabi ububasha bwabo, kuko ari bwo buryo bwo kubaka imiyoborere myiza no kurinda umutungo wa Leta. Iki gikorwa kije mu gihe u Rwanda rukomeje gushimangira politiki yo kutihanganira ruswa no gushyira imbere imiyoborere iboneye mu nzego zose.
In English
RIB arrests four officials suspected of abusing power for personal gain over land
The Rwanda Investigation Bureau (RIB) has arrested four people on charges of abuse of power and violation of land use plans. The officials are accused of issuing building permits to various individuals who did not comply with the law and the national housing development plans.
Among those arrested are Niyomungeri Richard, former Executive Secretary of Nzige Sector in Rwamagana District; Kwisinga Jean Norbert, in charge of housing in Rulindo District; Ishimwe Frank, in charge of issuing building permits in Ngoma District; and Ntirenganya Epimaque, who worked as the manager of the One Stop Land Center in Gakenke District. All of them have links to the issuance of land and building permits in the districts they work in.
RIB says that these officials have been issuing building permits to residents who have not complied with the master plan approved by the Land Use Authority. This has led to unplanned settlements, hindering the government's plan to create cities and villages that are developed and respect the environment and security.
Failure to comply with the master plan is common in various regions of Rwanda, resulting in construction on slopes, in swamps or along waterways. This causes the country to lose resources during the demolition and rehabilitation of poorly constructed areas, and can lead to landslides and disasters during heavy rains.
Land is one of the most vulnerable sectors to corruption in Rwanda, due to its high value and the increasing number of people seeking land. The government has been combating this problem for years through the One Stop Center program, which aims to simplify land services and reduce the number of people who come into contact with the authorities. However, some officials continue to abuse their positions for personal gain.
Rwandan law provides for severe penalties for those who abuse their power for personal gain, including imprisonment and fines. Abuse of power for personal gain and failure to comply with the master plan are considered crimes of embezzlement and abuse of public office, punishable under the law punishing corruption and the crime of misappropriation of public funds.
RIB urged citizens to continue reporting on leaders or employees suspected of abusing their power, as this is the way to build good governance and protect public assets. This action comes as Rwanda continues to strengthen its zero-tolerance policy against corruption and prioritize good governance at all levels.
Share this article
NSANZIMANA Sylver
Article Author
